Русинськоє Націоналноє Сято 2019
27.05.2019 22:09
Русинськоє Націоналноє Сято 2019
25. мая 2019. рока у Мішколцї, авлї Мішколцського Універзітета представителї Русинськуй общины Мадярщины у кулькости коло 500 люди одпраздновали Русинськоє Націоналноє Сято. Прибывшых читавым числом гостюв привітствовали Ріхард Тірчі, ведучый Главного Оддїла Офіса Премєр-міністера з вопросув конфесійных и націоналных капчань и Др. Янош Ковач, главный новтарош уряда области Боршод-Абов-Земплин. По передаваню премії Антонія Годинкы быв Паракліс, котрый потримав Єго Преосященство Др. Атаназ Орос, єпископ Мішколцськуй Ґрекокатолицькуй Єпархії. У кунцёви из великым успіхом пройшов концерт Заслуженого Академичного Пудкарпатського Народного Хора.