Выголошеня
10.10.2019 08:04
Выголошеня
Общество Русинув/Рутенув Мадярщины повномочноє голосити, же неізвіснї особы од имени нашого Общества, незаконно, без дозволеня, схосновавшы персоналнї данї изберателюв, котрі прописанї у XVI. районї Будапешта и мавуть право голоса и фіґурувуть у изберателных ліштох, испровбовали выключити сых изберателюв из лішты, без їх дозволеня. При тому быв схоснованый е-адрес Этот e-mail адрес защищен от спам-ботов, для его просмотра у Вас должен быть включен Javascript .  Нашоє Общество прийняло одповіднї юридичнї міры. Дякувучы своєчасному професіоналному засягованю Націоналнуй Изберателнуй Комісії и НИК XVI. района, имена изберателюв были восстановленї на ліштї. 
Нашоє  Общество не має доступа до вышеуказаного електроного адреса и протестує против сякых незаконых методув из вухоснованём персоналных даных изберателюв, што наносить непоправиму чкоду дїйнуй изберателнуй сістемі, граничить права изберателюв и указує сполность Русинув Мадярщины у неґативнум світлови.
Янош Кожнянськый, предсїдатель ОРМ